فلاش

الأرقام اليونانية

بسم الله الرحمن الرحيم

مبروكين ما شاء الله ع البلوج المميز ^___^

وأول موضوع أحطيـــــــــــــــــــــه عن

الـــــرياضيات

طبعــــــــاً مستانسين وشاقين الحلج شق من الفرحـــــــه ^___^

شطااااااااااااار

يلا هالموضوع جداً بسيط وهو عن الأرقام اليونانية ^^ "يابختكم"

أكيـــــــــد مرت عليكم هالأرقام من قبل .. أكيد شايفينها بأماكن وايده

أنا أحيدها كانت بساعة الجدار عندنا بالبيت وكنت أحب هالأرقام عليها "حــــللللوه" والا دقت الساعة كأنها ساعة بيج بين تن تن تن تن .. تن تن تن تن .. تن .. تن .. تن .. تن .. تن >> يعني الساعه خمس لووولز

الله وياها أنا مفتقدتنها الصراحه ما أدري وين نقدر نحصل منها ؟؟اهئ اهئ >> أسميييييييييها كدت سنيييين مب خساره فيها البيزات كركركر

لا تبجووون ع الساعه خلاص أصبحت بخبر كاااااااااااااان >> كنا بسالفة الأرقام وصرنا بسالفة الساعه "هذي الناس اللي تضيع وقتها ووقت غيرها بالرمسه الزايده"

يلا أشوف نرجع للأرقام >> اللي كانت ع ساعتنا العزيــــزه لووولز

مثل ما هو مبين بالتوصيل السابق

الواحد تكتب I >> حطبه وحده أقصد حرف I

ثنان II>> حطبتين

ثلاثة III >> ثلاث حطبات

منو اللي يالس يقول أنه الأربعه 4 حطبات غلـــــــــــط فشلتونا حدال اليونانيين >< ويـن أدس ويهي وين ><

والحين شوفوا عيايزي اليمين نجمع واليسار نطرح >> أندرستاند أجاهي

انيي للخمسه وبعدين بتفهمون سالفة اليمين واليسار والجمع والطرح ^_^

الخمسة تكتب V >> في بالانجليزي

الأربعة تكتب IV >> خمسه ويسارها عصاه نطرح واحد

الستة VI >> خمسة ويمينها عصاه وحده

الخلاصه "اليمين نضيف واليسار ننقص" فهمتوا السالفه

السبعه VII >> خمسة ويمينها حطبتين

الثمانيه VIII >> خمسة ويمينها 3 حطبات

لاحظوا شي أنه عدد الحطب ما تزيد عن 3 ما عرف شو الحكمه يمكن عشان ما يتلخبطون من زيادة الحطب خخخ

وهذا يعني أنه شي تغيير بيحصل الحين وهو

العشرة X >> اكس بالانجليزي

هاااااااااه عرفتوا شو التسعه

التسعة IX >> اكس يسارها حطبة (طرحنا)

شطااااااااار

الحادي عشر XI >> اكس يمينها حطبة وحده (جمعنا)

الثاني عشر XII >> اكس يمينها حطبتين

وهكذاااااااا

الحينه عرفتوا الأرقام اليونانيه ^^

من 1 الين 12

ولاااااااااا أسهل ولا أحلى صح ^___^

ما شاء الله عليكم فطينيــن طالعين علييـه لوووولز

اللهم لا حسد ^__________^

يلا ادرسوا عدل بحط لكم تكملت الدرس لأنه ما خلص ^_______^

ms.color